НОВЕ-НОВЕ-НОВЕ-НОВЕ
Послухайце шветочну писню Руснацох Републики Горватскей

ЦИКЛУС

"Руснаци и Українци нашо согражданє"

У рамикох циклусу „Руснаци и Українци нашо согражданє“, Библиотеки городу Заґребу, Хородска библиотека и Централна библиотека Руснацох и Українцох РГ орґанизую на штварток, 26. януара 2012. року на 18 годзин, Городска библиотека, Страчевичова площа 6, Заґреб (Gradska knjižnica Starčevićev trg 6, Zagreb), два вистави:
МУЗИЧНИ ИНСТРУМЕНТИ РУСНАЦОХ И УКРАЇНЦОХ И МОЯ УКРАЇНА.

По законченю програми заєднїцке друженє.

Word.doc.

 (аbа)

Дравски габи

На www.sriu.hr опатрице як було на тогорочних „Дравских габох“ у Осиєку.

 (аба)

Вишло нове число „Новей думки“

Часопис у пдф формату у електронїцким виданю можеце пречитац на

Нова думка

 (аба)

КУЛТУРНО-ЗАБАВНИ ВЕЧАР И ДЗЕНЬ РУСНАЦОХ У ЗАҐРЕБУ

УЗаґребу, 19. новембра 2011. року у орґанизациї Представнїка рускей националней меншини городу Заґребу, мр.сц. Иринея Мудрого, у ресторану „Казабланка“ отримани Културни вечар Руснацох - бал и Дзень Руснацох Републики Горватскей.

Як наглашел у своїм поздравним слове, мр.сц. Ириней Мудри, вжал себе за задаток, з допомогу запошлєного тайомнїка Йоакима Павловича, позберац цо вецей Руснацох котри жию на подрчю городу Заґребу и з єдного боку їх поинформовац о Уставних правох котри маю як припаднїки националней меншини а з другого, оможлївиц им же би ше стретли и упознали медзи собу.

Дзепоєдни з нїх уж покус позабували свой мацерински язик, ридко можу чуц руски шпиванки а затанцовац ище ридше. Прето таки стретнуца за нїх барз значни.

Руски шпиванки и танци презентовало КУД „Яким Ґовля“ зоз Миклошевцох а госцох на културним вечару забавял оркестер Янка Чордаша. Медзи госцами котри мали нагоду упознац часц рускей култури були и визначни особи зоз друштвено - политичного животу Заґребу медзи котрима бул Желько Занинович водитель одзелєня за национални меншини Городу Заґребу як и предсидателє Радох мадярскей, македонскей и бошняцкей  националней меншини Городу Заґребу.Спред руских политичних институцийох були: заменїк предсидателя Ради рускей националней меншини ВСЖ Борис Бучко та представнїца Руснацох Осиєцко – бараньскей жупаниї Агнетка Балатинац як и член Совиту за национални меншини влади РГ Звонко Костелник а спред културних предсидатель КУД „Яким Ґовля“ зоз Миклошевцох, Мирослав Гайдук, представнїца дружтва Руснак зоз Петровцох, Наталия Гнатко и представнїк Дружтва за українску културу зоз Заґребу, Алекса Павлешин.

На културним вечаре була промовирана и кнїжка доаєна нашей музичней творчосци Янка Чордаша,  „Крачунски и Руски шпиванки“ а видаватель праве Представнїк рускей националней меншини Городу Заґребу.

Члени КУД „Яким Ґовля“ зоз Миклошевцох подаровали нащивительом и даскельо крачунски шпиванки же би ше, тоти котри их знаю здогадли а гевти котри ше першираз стретаю з руску културу и традицию, упознали и з тоту файту нашого шпиваня – колядованя.

У добрим розположеню и коло богато порихтаного стола зоз єдзеньом и пицом, подий за танєц бул нєпреривно полни а гудаци старших нашивительох здогадовали на писнї з їх дзециньства док младшим указовали дражки по котрих най би ходзели.

Агнетка Балатинац

 (аба)

Поволанка на Културни вечар Руснацох - бал и Дзень Руснацох Републики Горватскей у Заґребу

На соботу, 19. новембра 2011. року, на 19 годзин у ресторану „Казабланка“, улїца городу Вуковару 271,Заґреб, Представнїк рускей националней меншини городу Заґребу, мр.сц. Ириней Мудри, орґанизуєй Културни вечар Руснацох - бал и Дзень Руснацох Републики Горватскей.

На балу наступя члени КУД „Яким Ґовля“ зоз Миклошевцох зоз рускима шпиванками и танцами а провадзиц їх будзе оркестер Янка Чордаша.

У рамикох Вечара, отрима ше и промоция кнїжки Янка Чордаша „Крачунски и Руски шпиванки“ а вечар закончи праве зоз Крачунскима писнями.
Уход шлєбодни.

Информациї и прияви найпознєйше до стреди 16. новембра 2011. року на:

Яким Павлович, тайомнїк Представнїка
мобител: 091 30 45 649

Вецей можеце пречитац на поволанки. 

(аба)

РЕЗУЛТАТИ ВИБЕРАНКОХ ЗА РАДИ И ПРЕДСТАВНЇКОХ НАЦИОНАЛНИХ МЕНШИНОХ ПО ОПЧИНОХ, ГОРОДОХ И ЖУПАНИЙОХ

Руснаци спрам заступеносци у числу жительства на одредзеним подручю, мали право виберац предтавнїкох и ради своєй националней меншини у опчинох, городох и жупанийох.
Виберанки отримани 10. юлия 2011 а нєдавно обявени и конєчни резултати, котрих приношиме з веб бокох Державного виберанкового поверенїцства.

Кажда Рада спомедзи вибраних членох медзи собу вибера предсидателя и подпредсидателя а Представнїк вибрани накеди обявени званични резултати виберанкох и по прецеку року за пригварки. Так у Осєцко-бараньскей жупаниї за представительку вибрана Агнетка Балатинац а у Городу Заґребу Ириней Мудри.

За предсидательох Радох у опчинох Томповци и Боґдановци вибрани Мирослав Лїкар и Яким Вашаш, у городу Вуковару Лела Дїтко а на уровню Вуковарско-сримскей жупаниї Яким Ерделї.

Препатрунок вибраних кандидатох зоз звиту Державного виберанкового поверенїцства РГ.

Руснаци

(аба)

 ПРЕСЛАВЕНА 160 РОЧНЇЦА ПРИСЕЛЄНЯ РУСНАЦОХ ДО МИКЛОШЕВЦОХ

У Миклошевцох, внєдзелю, 6. новембра,   отримана шветочносц з нагоди 160-рочнїци приселєня Руснацох до Миклошевцох.

Програма почал зоз службу Божу а предлужела ше у пополадньових годзинох зоз Шветочну схадзку. На шветочней схадзки, попри визначних госцох зоз општини Томповци,општини Стари Янковци, месного одбору, та висланїка Крижевского владики, бул назочни и жупан Вуковарско - сримскей жупаниї Божо Ґалич котри бешедовал о значносци мултиетнїчносци на тих просторох и наглашел же Жупанїя вше ма слуха за потреби националних меншинох а як приклад тому то и конкретни роботи коло подзвигованя стандарду з меншинским жительством. Реферати о присельованю Руснацох до Миклошевцох пречитали Дюра Лїкар по руски и Агнетка Балатинац по горватски...
 

вецей...

(аба)

ПЕТРОВСКА ПАРОХИЯ НАПОЛНЄЛА 175 РОКИ

ШВЕТОЧНОСЦ У ПЕТРОВСКЕЙ ЦЕРКВИ

У Петровцох, 2.октобра 2011 року преславене Храмове швето и шветочно означена 175. рочнїца Петровскей парохиї.

У Петровцох, 2. октобра 2011 року у церкви Покрову Пресвятей Богородици, преславене Храмове швето и шветочно означена 175. рочнїца Петровскей парохиї.

вецей...

(аба)

Вишло нове число „Новей думки“

 Часопис у пдф формату у електронїцким виданю можеце пречитац на

Нова думка

(аба)

"26. КУЛТУРНА МАНИФЕСТАЦИЯ МИКЛОШЕВЦИ 2011"

„Поздрав ровнїни“
 

У Миклошевцох ше 27. и 28. авґуста 2010 року отримала традицийна XXVI културна манифестация „Миклошевци 2011“.
У програми под назву „Поздрав ровнїни“ участвовали 10 Културно–уметнїцки дружтва зоз Горватскей...

вецей...

(аба)

                                                                             "МИКЛОШЕВЦИ 2011"
 

У Миклошевцох ше 27. и 28. авґуста 2010 року отрима традицийна XXVI културна манифестация „Миклошевци 2011“.

Програма:

(аба)

 IN MEMORIAM 

ВИРА ГУДАК
1927-2011

У 85. року живота, 28. юлия 2011. року умарла учителька у пензиї, Вира Гудак зоз Петроварадину.  

Вира Гудак, нар. Бесерминї, учителька и културно-просвитни роботнїк, народзена 21. януара 1927. року у Шидзе.
Була одата за Штефана Гудака (1931). Виховали тройо дзеци, дзивку Марию (1959), синох Мирослава (1961-1988) и Иринея (1964).
Вельку часц своєй служби (25 роки) препровадзела у Петровцох дзе окрем учительскей роботи, значну улогу одбавела и у културним живоце валала, та попри орґанизованя танєчней, драмскей и хорскей секциї, започала виходзенє часопису за дзеци, „Венчик“ котри и нєшка виходзи у видавтельней дїялносци Союзу Русинох и Українцох РГ.

З одходом до Нового Саду (1972) предлужує зоз културно-просвитну роботу. За свойо активносци достала велї припознаня и награди.

Хованє Вири Гудак будзе на соботу, 30. юлия 2011. року на 13 годзин у Петроварадину.

(аба)

Вишло нове число „Новей думки“

 Часопис у пдф формату у електронїцким виданю можеце пречитац на

Нова думка

(аба)

Закончена
Лєтна школа Русинох и Українцох РГ

 Вецей можеце пречитац и фото албуми опатриц на тим

линку

(аба)

Умар
преосвящени кир  
Славомир Микловш,
владика крижевски у миру

ИКА (Информативна Католїцка Аґенция Заґреб) обявела на своїх веб бокох же 21. юлия коло 12 годзин у шпиталю у Новим Саду у 77. року живота умар грекокатолїцки крижевски владика у миру, преосвящени кир Славомир Микловш.

Преосвящени кир Славомир народзени у Бачкей у Дюрдьове 16. мая 1934. року од оца Симеона и мацери Веруни народзеней Ґнип.Основну школу з малу матуру закончел у Дюрдьове, класичну ґимназию у Риєки и Пазину а диломовал на Католїцким богословним факултету у Заґребе.

За священїка є пошвецени 7. юлия 1964. року у своїм родзеним валалє Дюрдьове.
Окончовал шлїдуюци служби: од 1964. по 1968. бул капелан у Руским Керестуре; од 1968. по 1969. парох нашей парохиї у Вуковаре; од 1969. духовнїк у грекокатолїцкей семинариї у Заґребе; од 1974. економ, а од 1978. и канцелар Крижевскей епархиї.
За крижевского владику меновани є 2.фебруара 1983. року, а пошвецени 25. марца истого року у Руским Керестуре. Службу крижевского владики превжал 21. мая 1983. року у катедрали у Крижевцох. Владическу службу окончовал полни 26 роки а  2009. року одходзи до пензиї. 

Обряди хованя започню на соботу, 23. юлияна на 9 годзин у Дюрдьове при Новим Саду зоз заупокойну Службу Божу з обрядом одпитованя.

Преосвящени владика кир Славомир Микловш будзе поховани на соботу,  23. юлия, на 13 годзин у Катедралней церкви св. оца Миколая у Руским Керестуре.

(аба)

ОТРИМАНИ ВИБЕРАНКИ ЗА ЧЛЕНОХ РАДОХ И ПРЕДСТАВНЇКОХ НАЦИОНАЛНИХ МЕНШИНОХ

Внєдзелю, 10. юлия 2011 року отримани виберанки за членох радох и представнїкох националних меншинох у жупанийох, городох и опчинох.

Резултати виберанкох можеце провадзиц на тим  линку

За представнїка рускей националней меншини  Городу Заґребу вибрани мр.сц.Ириней Мудри.

Резултати можеце опатри  ту

По обєдиньованю податкох, резултати виберанкох за членох радох и представнїкох националних меншинох у жупанийох, городох и опчинох у Републики Горватскей буду обявени на службових веб бокох  Державного виберанкового поверенїцтва РГ

(аба)

Червена Ружа

У Руским Керестуре ше од 23.-26. юний 2011. року отрима ювилейни 50. фестивал рускей култури „Червена ружа“.

Вецей на Рутенпресу

(аба)

Rutheniada

У Петровцох, 19. юния 2011. року отримана 4. Рутенияда - змаганє дзецох у стародавних руских бавискох. Вецей можеце пречитац на

Рутенияда

Фото албум

(аба)

38. Петровски дзвон

У Петровцох, 11. и 12. юния 2011. року отримана 38. манифестация култури Русинох и Українцох РГ „Петровски дзвон“. Вецей можеце пречитац на

Петровски дзвон

Фото албуми 

(аба)

У Стариґраду на Хвару отрима ше лєтна школа мацеринскей бешеди и култури Русинох и Українцох РГ

У орґaнизaциї Союзу Русинох и Укрaїнцох РГ а зоз финaсийну подпомогу Министерствa нaукох и спорту у Гостелу Слунко у Стaрим Ґрaду нa Хвaру отримa ше лєтна школиа мaцеринского язикa и култури Русинох и Укрaїнцоґ РГ зa основну школу од 5. по 11. юли а за  штредню школу од 12. по 18. юли 2011. року.

Основна школа - обивсценє

Стредня школа - обивсценє

За шицки додатни информациї може ше наволац руководителя лєтней школи Звонка Костелника на мобилни телефон 091 503 34 33 лєбо 032 428 342

(аба)

4. RUTHENIADA - стари спортски бависка

Под покровительством Вуковарско-сримскей жупаниї а у орґанизациї Координацїя рускей националней меншини Републики Горватскей та соорґанизациї Ради рускей националней меншини Вуковарско-сримскей жупаниї , отрима ше (нєдзеля)19. юна 2011. року у Петровцох з початком на 9 годзин змаганє у старих руских бавискох „RUTHENIADA“ .

Поволанка и розпорядок

Приява

(аба)

11. и 12. юния отрима ше 38. Петровски дзвон

У орґанизациї Союзу Русинох и Українцох РГ и КУД „Яким Гарди“ Петровци, а под високим покровительством Совиту за национални меншини РГ, 11. и 12. юния 2011. року, отрима ше 38. културна манифестация Русинох и Українцох РГ - Петровски дзвон.

Поволанка и програма:

(аба)

Преславени Дзень Руснацох у Горватскей

У Миклошевцох 29. мая 2011. преславени 2. Дзень Руснацох у Горватскей. Прешлого року тота централна шветочносц отримана у Вуковаре а того року у Миклошевцох.  Програму орґанизовали Координация рускей националней меншини у РГ и Рада рускей националней меншини Општини Томповци, под покровительством Жупана Вуковарско-сримскей жупаниї Божи Ґалича, сопокровителя Општини Томповци и самих Миклошевчаньох.

вецей...

(аба)

ОДРЕДЗЕНИ ДАТУМ ВИБЕРАНКОХ ЗА ЧЛЕНОХ РАДОХ И ПРЕДСТАВИТЕЛЬОХ НАЦИОНАЛНИХ МЕНШИНОХ

Пияток, 20. мая 2011 року у Народних новинох число 56/11 обявени Одлученя Влади Републики Горватскей о розписованю виберанкох за членох радох и представительох националних меншинох у жупанийох, городох и опчинох.

Виберанки  ше отримаю 10. юла 2011 року.

Вецей можеце пречитац на тим линку.

(аба)

Дзень Руснацох у Републики Горватскей

Централна шветочносц преслави Дня Руснацох у Републики Горватскей, того року ше отрима у Миклошевцох 29. мая. Шветочна академия започнє на 15 годзин.

Орґанизаторе Координация рускей националней меншини у Републики Горватскей и Рада рускей националней меншини Општини Томповци а покровитель Жупан Вуковарско - сримскей жупаниї.

Програма:

(аба)

Вишло нове число „Новей думки“

 Часопис у пдф формату у електронїцким виданю можеце пречитац на

Нова думка

(аbа)

ХРИСТОС ВОСКРЕС !
ВОИСТИНУ ВОСКРЕС !
 

Щешлїву Вельку ноц,

смачну Паску

и обновенє духа

жада Вам

ПРЕДСТАВНЇК РУСКЕЙ НАЦИОНАЛНЕЙ МЕНШИНИ ГОРОДУ ЗАҐРЕБУ

Ириней Мудри
 

ПРОГРАМА РОБОТИ ПРЕДСТАВНЇКА РУСКЕЙ НАЦИОНАЛНЕЙ МЕНШИНИ ГОРОДУ ЗАҐРЕБУ
ЗА 2011.РОК

верзия у word.doc

вецей...
 

mr.sc. IRINEJ MUDRI
Adresa:
Vodovoda 15
Z A G R E B 

tel.: 01/ 561 84 27

gsm.: 091 40 45 649

e-mail: irinejmudri@yahoo.com

ПРИПАДНЇКОМ РУСКЕЙ НАЦИОНАЛНЕЙ МЕНШИНИ И СИМПАТИЗЕРОМ РУСНАЦОХ

ПОВОЛАНКА

ЗА УПИС НА ВИБЕРАНКОВИ СПИСОК РУСКЕЙ НАЦИОНАЛНЕЙ МЕНШИНИ

      
Ориґиналну верзию поволанки можеце превжац на тим
 линку